返回列表 發帖

2023 香港樂壇之「華納盛世」

本帖最後由 powerful 於 2023-5-7 17:10 編輯



【2023 香港樂壇之「華納盛世」】

後2019 運動及疫情時代,公共領域常形容香港流行文化正進入復興,樂壇方面在2020/21 年度確有不少本地音樂人進入公眾視線,走紅最狂熱當然是偶像Mirror,但馮允謙、林家謙、Serrini、岑寧兒等從主流到獨立皆有程度不一的地位提升,還有hirsk、南洋派對、小本生燈等新晉的冒起,只是2022年打後直到現在,這股勢頭似有放緩甚或飽和,新聲音欠驚喜,舊勢力欠突破,坊間仍在傳唱兩年前作品多於新作。

在此引旨下看2023 頭四個月的發展,說是「華納盛世」絕不為過。這盛世不指短期營利(只以音樂行業計,當下還有賺大錢空間嗎?),而是目標受眾的光譜,在眾多唱片公司之中,最能打入年輕市場,未來可見最多可能。Dear Jane 跟不同單位的聯乘最有話題之外,在音樂路線上亦見多元的選擇,如同陳蕾新歌名字形容的「伸縮自如」。

先談〈伸縮自如的愛〉,陳蕾近兩年最舒暢的作品,既不困於自我世界 (〈屈機〉〈言之無物〉) 而保留音樂的活潑愉悅,又不需猛烈地批判社會世道 (〈下流社會〉〈窮人的薔薇〉)。陳蕾走這種爽快型格路線,從容地談單身,配合鮮明色調及較硬朗的演繹,營造瀟灑的形象,再結合她看日本動漫的人設,連續兩首主打靈感取自《Hunter x Hunter》(全職獵人),製作上也不多計算,已經很有可聽/可閱讀的價值。反而要認真思考的題材,強行要陳蕾填入三兩分鐘的歌詞就更吃力,除非她有較貼身感受,像探討網絡欺凌的〈慌〉、〈旁觀有罪〉就有火有力。此刻要求她回到加入華納前那種困境中苦苦掙扎的真誠分享亦是不可能,也不實際,藝人踏入成功的階段,所看到的生活面向自然不一樣,與其煞有介事地唱〈世界與我無關〉但其實整個企劃訊息都是放不開與世界的聯繫,不能自如放鬆,倒不如唱著〈伸縮自如的愛〉會是更理想的狀態平衡。

華納當下最從眾的自當是張天賦,但他也不獨沽一味唱冧情歌取悅女聽眾。年頭因著紅館個唱而挑戰跳唱型舞曲,果效不彰; 依然是馮允謙一直餵食他的R&B 更貼身,成名作〈反對無效〉到今年〈世一〉仍能強調他對節奏的掌握,縱使腔調顯得更花俏 (或就是「油腔滑調」的活生生例子)。新歌交給新晉創作人Gordan Flanders 更有驚喜,旋律部分不及馮允謙的流行設計,節拍的躍動卻更講求精準,更有稜角,是出道年〈Loser〉的延續及升級。另一跟〈Loser〉有所關聯的線索,是MV皆由同門張蔓姿執導,影像可拍到張天賦舉手投足及眼神表情的魅力。目前在一眾受注目的新生代歌手中,張天賦仍可持續交出有新鮮感的嘗試,即使不算每次都手到拿來,現場亦時有欠穩,卻顯示他尚有探索的空間。

處於另一極端的張蔓姿,聲音一直不受主流認同,反而得到Dear Jane的 Howie 獻曲,黃偉文填詞,班底到成品是要打造另一傳唱大熱的格局。〈為民除害〉的確有著大路易記的旋律,副歌易上口程度跟得上Dear Jane食糊情歌〈到底發生過什麼事〉、〈銀河修理員〉; 黃偉文亦跟著方程式去寫能引起時代聯想的歌詞。不過編曲部分卻不甘於罐頭ballad,找來了 hirsk 去跟周錫漢碰撞出合成效果去包裝人聲。於是張蔓姿首次主唱非自己譜曲填詞的作品,依然帶有混合品種的實驗性,不全然讓聽眾安心地當成另一首口水洗腦金曲去重覆。〈為民除害〉置身張蔓姿新專輯《WHAT'S INSIDE THE ROOM?》是特別的存在,卻不違和; 依然是困在私人房間內的情緒放射,〈為民除害〉只是將外人捉來囚禁,而非真的向外溝通。亦因此這歌所形容的有毒情人處境,若將MV故事推得更極端,將可能更有衝撃,像張蔓姿可以真的綁架禁錮那「男朋友」,以肢體暴力阻止他出外拈花惹草,這或更能表達「為民除害」 /「馴悍記」的耐人尋味。

張蔓姿起碼尚帶來爭議,Kiri T 則邊緣得不被聽見。一樣對於自家創作有特別的聲線處理,一樣在現場演唱時備受質疑。打從其初出道為吳雨霏 (Kary) 所譜的輕快類型,到其頭兩張專輯較為張揚、跳躍的個性宣示,來到〈歧義種子〉又是加盟華納旗下後,她較大幅度脫離既有曲風之作。旋律編寫依然流暢,控制聲音卻更細緻,尤其尾音、高音的情感,依然想「奇異」地特立獨行,卻有著想與樂迷連結的溫度,鍾說的填詞大抵就擔任了這橋樑。這蛻變或會被形容為失去原初獨特的簽署,卻也聽到渴望被肯定,在下游掙扎的那份生命力,同時唏噓無奈,實較貼近陳蕾未得賞識那段時期的創作狀態,箇中的靈性有增無減。

在主流與獨立間游刃有餘的則是 Gareth T 湯令山,不止因他與Mirror 最炙手可熱的姜濤有持續合作,而是他本就有能力去寫琴聲主奏、易於跟唱及循環的〈國際孤獨等級〉,同時又可駕馭輕快說唱、取樣改編的〈孤單〉,同一主題兩種角度與風格,前者加上黃偉文詞作的話題性,贏得樂迷歡心; 後者展現其變化創意,將原來老土的訊息注入潮流元素翻新,能得到樂評肯定。兩首作品在影像呈現皆得見表演者的幽默,Gareth T的創作就見這種高度容納性,對於某些獨立或主流聲音的死硬擁護者,Gareth T都成為異類,但亦因此出類拔萃。

徹底主流的實力偶像張天賦、逐步向東洋風進發的陳蕾、躲於房間情緒自主的張蔓姿、尋找歧義生存空間的Kiri T、兩種路線並駕齊軀卻力拒傾斜任何一方的 Gareth T,今時今日仍能有本地市場如斯多種豐富面向,大抵就是華納的經營之道。



2023 年度目前推薦單曲:

陳蕾〈伸縮自如的愛〉
張天賦〈花海〉
張蔓姿〈為民除害〉
Kiri T 〈歧義種子〉
Gareth T 〈孤單〉

支持孤單

Moon tang 冇被提及好慘

TOP

本帖最後由 Evan@LaRossa 於 2023-5-8 17:34 編輯

就因為佢唔係對家電視台 / 擺到明立場
佢地有極大既空間,可以好似MC咁左右逢源
又好似Gareth T / 陳蕾 / Kiri T咁玩自己野
甚至好似Janice咁去大台做導師唱奧運歌(仲有隻「前」呀)都得

畢竟自從前幾年有許廷鏗做碟開始
佢地真係對比起環球、英皇呢類傳統公司
佢地有資源之餘亦都比較尊重歌手
你見到院長可以有一般歌但仲可以玩活誰的命華麗轉身
可以喺疫情之間「賦豪有約」就知道佢地識玩Digital Media
寒樂欣選2023 已開波,視乎幾時得閒就更新。
IG: lyric.alligraphy

TOP

本帖最後由 米色蘇 於 2023-5-8 01:17 編輯
Moon Tang 隻歌未正式派台呀喂
但係講返主題
就因為佢唔係對家電視台 / 擺到明立場
佢地有極大既空 ...
Evan@LaRossa 發表於 2023-5-7 19:01


曾經Mastamic在Jerald’s podcast講過,
Hip Hop文化在全世界都盛行,在香港卻是一碟side dish,並且認為唱片公司應該投放資源放落呢度。

不過幸好的是,華納有Big Spoon去負責hip hop及其他在歐美非常流行嘅genre
亦都睇得出呢間公司(比起其他公司)投放更多資源發展本地嘅hip hop音樂
可以見到有Byejack, Lewsz, Kiri T, Gareth T等等嘅rapper/音樂人先可以令到香港hip hop發光發熱
亦都明顯見到華納更加懂得如何吸引年輕人的市場。

當然香港hip hop文化復興都唔少得JB同Tyson Yoshi呢兩位啦

TOP

支持孤單

Moon tang 冇被提及好慘
bagfgfcde 發表於 2023-5-7 17:47



   千嬅都被無視了 明明聽日就派歌都唔等埋

TOP

曾經Mastamic在Jerald’s podcast講過,
Hip Hop文化在全世界都盛行,在香港卻是一碟side dish,並且認為 ...
米色蘇 發表於 2023-5-7 19:13



Big Spoon = Nicolas Cheung 。。
47. Bring Him Home
week24
1 . the hertz        瘋子

TOP

MC現場係時有欠穩,Gareth T就出類拔萃,真係要驗耳

TOP

琴晚CC頒獎禮華納大豐收
Aliens,明荃之友

TOP

MC現場係時有欠穩,Gareth T就出類拔萃,真係要驗耳
森炎 發表於 2023-5-8 11:05

唔係指現場喎
Aliens,明荃之友

TOP

唔係指現場喎
huntergon 發表於 2023-5-8 14:40



咁件事咪好唔公平囉,MC現場其實都冇咩太大毛病,至少合格有多,咁都要加多句現場不穩?
咁點解GT現場穩定地差,又唔提呢,連唱K水準都冇wor

TOP

千嬅都被無視了 明明聽日就派歌都唔等埋
kenneth 發表於 2023-5-7 19:31



    丫 順便講埋
其實千嬅同林峰都係華納既朋友
但係究竟做咩野市場
我相信呢度既人分分鐘仲清楚過我
寒樂欣選2023 已開波,視乎幾時得閒就更新。
IG: lyric.alligraphy

TOP

JANICE係咪被投閒置散呀我想問下?
一棵樹要成長得茂盛,根一定要札實。無論我去到哪裡,我都會記住,我的母語是廣東話。我只愛廣東歌

TOP

Kaho
Follow my IG: @delightcantopop

TOP

難聽歌手洪嘉豪呢?
在這畢生不滅 無極的狀態

TOP

成篇嘢讚到天上有地下無
所有新歌都推薦 好嘢好嘢

TOP

無推介華納難聽男歌手男金男銅
但我感恩揀中李 李 李李李              
幸福多於我預期
老了 誰先變肥 極沉重也撐起李
誰願意拋低李 (誰願意拋低李)

TOP

多謝大家嘅留言回應啊

今年香港樂壇整體其實好靜焗,所以呢篇目的係揀幾首可以推介嘅作品聽,如果expect睇一篇劣評係會失望,但某程度上我其實側寫左對成個樂壇質素嘅保留,因為只係讚得幾個 haha ,而事實上呢篇已經講左我近年冇咁鍾意陳蕾嘅作品,至於一D歌手都未必有討論嘅價值就唔提及喇,遑論批評。

我的確有諗過放 Moon Tang,最後可惜冇段落。佢係我認為舊年表現最好嘅三個女歌手之一,可能遲D有時間寫個專輯評論啦。但以今年而言,Howie 比Gigi 嘅旋律、Kiri T 嘅嘗試比到我更大感覺。

另外我都同意全世界最主流音樂類型係hip hop,只係香港大唱片公司好忽視個發展,所以華納有呢個版塊係有價值。

最後關於 MC 同 Gareth,兩者定位都幾唔一樣,前者真係有強調 sell 唱功實力,後者賣點在於創作,而且佢玩返自己擅長元素同英文歌詞係冇咩問題,只係拓展廣東歌市場的確需要多練習同適應。

TOP

多謝大家嘅留言回應啊

今年香港樂壇整體其實好靜焗,所以呢篇目的係揀幾首可以推介嘅作品聽,如果expect睇 ...
powerful 發表於 2023-5-14 18:09


其實鐘意得華納嘅創作歌手/rapper都幾乎肯定唔係因為佢哋live嘅唱功啦
(陳蕾係少數唱作俱佳嘅歌手,只係唱腔唔係人人都接受到)
如果只是獨沽一味聽唱功嘅話,咁不如聽youtube啲cover或發燒碟就足夠。

雖然音樂係藝術的一種,但歸根究底,流行曲最著重的就是如何擴大受眾以引人共鳴。
只是華納係做呢樣嘢嘅同時,亦不忘擴闊音樂版圖,在主流中製作一些另類嘅曲風,或者是推介獨立或另類歌手。

其實去年到今日,有唔少華納歌手的歌曲都在共和榜中上榜,甚至獲得冠軍(例如MC, moon tang, 張蔓姿, Gareth T.)
都證明佢哋嘅作品的付出嘅肯定

TOP

華納一姐陳蕾,一哥MC

TOP

其實鐘意得華納嘅創作歌手/rapper都幾乎肯定唔係因為佢哋live嘅唱功啦
(陳蕾係少數唱作俱佳嘅歌手,只係 ...
米色蘇 發表於 2023-5-14 19:21



分析得好精辟
可惜CM大把人都仲係牛皮燈籠點極唔明
仲用緊唱功黎judge每個歌手嘅優劣
根本大家都心水清知自己想要咩,佢地就淨係識笑人叫人去驗耳
朋友已走 轉圈轉圈 哈姆共你
無愛可失 轉圈轉圈 舒發悶氣

TOP

華納真係好識拉有潛質既歌手
唔想打

TOP

華納真係好識拉有潛質既歌手
cameronay 發表於 2023-11-1 10:13


Jude、Kaho?
梁詠琪 《時間遇上我們- 台北小巨蛋》 口碑載譽
Side-track音樂會再見

TOP

Jude、Kaho?
l00540 發表於 2023-11-2 15:47



   K Ho 直頭就係華記順風車嘅 first class
47. Bring Him Home
week24
1 . the hertz        瘋子

TOP

返回列表