李幸倪 《Live In The Moment》-- 派歌失策 Side Track更佳

hiraoka

聽著Gin Lee這幾個月的派台作, 環球似乎想將Gin Lee打造成女版李克勤. 有唱功, 但歌曲奄悶, 感情表面, 再加上譚詠麟的加持, 隨時可以突入成為另一pair左麟右李.
她的新專輯, 我是完全沒有期望, 但聽完卻覺得有點驚喜. 就正如Gin Lee真人其實與07年港姐冠軍張嘉兒有點撞樣, 但經過修飾後, 卻可以在海報上模仿阿嬌, 證明只要稍經琢磨, 不再一味唱沉悶K歌, Gin Lee其實也可以有生氣.

專輯共有八首歌. 兩首派台慢歌都不是我的心水. 較早曝光的《空姐》似是延續上張專輯《雙雙》的感覺, 但《雙雙》有那麼好嗎? 個人覺得甚為平庸, 今次的《空姐》也平淡得叫悶. Eric Kwok作曲的《Live》, 雖然都有八九十年代的感覺, 但配合歌詞, 起碼唱出一種態度.
Gin Lee參與作曲的《和每天講再見》再K一點, 也唱得不錯, 但若要選Gin Lee的K歌, 我仍然會選擇舊作《今天終於一人回家》. 潘源良用上分身的同音字為《緣.兩半》點題, 表現出對此曲的重視. 酒廊感覺的編曲, 就為這首歌添上兩首派台作缺乏的質感.
中快板歌曲方面, 開場的《隨風而來 隨風而去》不算新, 但外籍作曲人負責的旋律, 加上編曲的掌聲後, 比起Gin Lee的大部分歌曲爽朗. 《今朝有酒》的歌聲由A段的柔和轉到副歌的剛強有點突然, 但C君的rap為Gin Lee帶來了生氣. 《曌》則有林憶蓮的感覺, 比起吳雨霏早年的模仿, Gin Lee較能唱出這類歌曲所需的都市型格. 馮翰銘及藍奕邦合作的《好風如水》則走R&B路線, 亦是Gin Lee擅長的曲風, 特別喜愛ad-lib的部分, 唱得甚為舒服.

Gin Lee的唱功, 在同代女歌手中肯定屬於前列. 這張專輯能夠以一take過現場錄音作為賣點, 就是建基於她的實力. 然而, 環球若果只希望將她打造成女版李克勤, 肯定是大錯特錯. 她的派台歌雖然成績不錯, 但歌曲的討論度不及欣宜及JW, 甚至不如同公司的AGA, 正正在於歌曲的風格不夠突出.
以這張專輯為例, Gin Lee作出了不同的嘗試, 但派台時卻獨沽一味派大路情歌, 只求穩陣. 要知道並非每個人都會聽足整張碟, 這種做法正正令一般聽眾無法認識她的不同面向, 單調乏味的印象一旦形成, 日後如何補救都只會杯水車薪, 環球唱片的宣傳部好應該反思, 以免浪費了一位好歌手.

loowee

較早曝光的《空姐》似是延續上張專輯《雙雙》的感覺, 但《雙雙》有那麼好嗎? 個人覺得甚為平庸, 今次的《空姐》也平淡得叫悶.
hiraoka 發表於 2017-9-19 22:51

空姐無論曲風同質素都差雙雙幾班，不可相提並論。
個人覺得雙雙系非常細膩嘅K歌，無論曲詞編都做得好完整，可能對CM聽眾黎講比較平板，但其實越聽越有味道，哥種無奈感系慢慢滲出黎。
而新碟我覺得真系幾普通，緣兩半算系最有質感。
大家都覺得碟入面快板歌出色，但老老實實，一首Carly Rae Jepsen，一首Gwen Stefani，都參考得太直接，個人有保留。

harryharry

下。。
Cool cafe班人聽完和每天講再見，就日日都要話講再見咁洗板
好明顯討論度贏曬啦，jarie啲 天平先生 同 我錯 都唔夠佢黎

John

其實買完隻碟覺得空姐好搶
係應該派呢隻

hiraoka

回復 3# harryharry

就係除左音樂page, 唔見其他條街有人講, 比起其他幾位過去兩年爆出來的歌, 討論度係咪爭一截? 睇youtube hit rate都爭左好多倍.

hiraoka

回復 4# John

聽完我直情覺得呢隻歌唔應該出現係隻碟, 個人黎講, 覺得兩首派台歌係拖低左張碟的質素, 令到隻碟唔型

teennum1

個人就好鐘意空姐同講再見，同ginlee氣質襯到絕一絕。中板歌全部都好驚艷，係唔太鐘意adlib個首好風如水，不過都係樂壇中上乘作品。

hiraoka

個人就好鐘意空姐同講再見，同ginlee氣質襯到絕一絕。中板歌全部都好驚艷，係唔太鐘意adlib個首好風如水， ...
teennum1 發表於 2017-9-20 02:57

我同你剛剛掉轉, 由佢加入環球開始, 已經好唔鍾意環球幫佢派台的慢歌, 到而家為止, 個堆派台慢歌, 在我心目中未有任何一首達到《今天終於一人回家》及《玫瑰的故事》的水平. 我本來的想像係成隻碟都係呢種慢歌, 我應該聽完一次就delete, 而家係有驚喜.

lblemon

1.而家派歌政策成日都係咁：先派大路歌，之後再派特色歌/高質歌，希望推高總播放率。

2. 美煎唔係扮阿嬌，佢根本似阿嬌，特別是素顏時。但美煎個咀明顯唔夠阿嬌靚。

3. 在球記美煎D歌曲總體感覺都好女性化。其實都有幫佢建立風格

4. 欣宜歌曲只係女神真正高討論度，同埋欣宜的風格主要在其性格，型象，而不是佢D歌。JW 的歌的确係有明顯風格，亦都有討論度，但覺得怨婦路線同佢真人講野時的小妹妹風格完全不符合。

lemontea1069

其實GIN LEE的歌要聽幾十次先出味, 頭幾次聽真係會悶

*****我好鍾意和每天講再見

youfuqi

其餘GIN LEE的歌要聽幾十次先出味, 頭幾次聽真係會悶

*****我好鍾意和每天講再見 ...
lemontea1069 發表於 2017-9-20 11:56

  me too不知不觉 都在哼唱  这首歌

stephybest

和每天講再見好鬼洗腦下……
個腦會loop住“忙到不知幾點”

JasOh103

冇呢隻碟既出現 我係唔會識得點活在當下
如果以前有人問我：“你現在在做什麼？” 我可能會回答：“我在盲撐Gin Lee” 或是 “我要支持同鄉。”
現在的我會回答：“我正在留言。” 」

好有意義好有共鳴既一張唱片

Nathan

冇呢隻碟既出現 我係唔會識得點活在當下
如果以前有人問我：“你現在在做什麼？” 我可能會回答：“我在盲 ...
JasOh103 發表於 2017-9-20 23:36

    曲直難分

JasOh103

曲直難分
Nathan 發表於 2017-9-21 08:19

I'm TRUE Gin fan

HOTMAN

其實GIN LEE的歌要聽幾十次先出味, 頭幾次聽真係會悶

*****我好鍾意和每天講再見 ...
lemontea1069 發表於 2017-9-20 11:56

    要聽過百次先有feel 未聽夠唔好出嚟住

on07111

聽左二百次和每天講再見,每次都聽到想喊><

HOTMAN

每晚訓覺前我都會聽一次和每天講再見 反省下今日有冇live in the moment 如果冇既話我會罰自己聽10次come with me

on07111

me too不知不觉 都在哼唱  这首歌
youfuqi 發表於 2017-9-20 12:45

腦海不停loop 和每天...和每天...和每天 x infinity

leongl

什麼 女版李克勤?? 完全沒有這種感覺
誠然，香港最大的弱點是，他們不會真正享受音樂，而是在表面上批判.
台灣乃至大陸都是不一樣的，因為歌迷實際上聽完整張專輯並反思專輯的訊息。

hiraoka

什麼 女版李克勤?? 完全沒有這種感覺
誠然，香港最大的弱點是，他們不會真正享受音樂，而是在表面 ...
leongl 發表於 2017-9-25 05:55

我也希望你就著這個評論作出表面的批評時，真正提出你的見解，同時接受他人的不同意見，並反思為何每個人聽歌可以有不同聽法及感受，而非意見不合之時就將之視為表面的批評。香港與台灣文化上不同，與大陸則肯定有一點非常不同，香港有言論自由。所以我尊重你的不同意見，希望你提出不同意見時，能夠完整表達你的感想及你提到的反思。謝謝！

angelicdestiny

I agree with most of your points. I've always said that Gin's talent is wasted under Universal's guidance. I feel like her career should be more like A-Lin. Both are power vocalists, but A-Lin's not stuck in a box.

HOTMAN

我也希望你就著這個評論作出表面的批評時，真正提出你的見解，同時接受他人的不同意見，並反思為何每個人 ...
hiraoka 發表於 2017-9-26 20:18

講真佢已經講得好客氣，意思都非常清晰，
就係你篇文章冇對隻碟既訊息既反思/評論。

因為Live in the moment唔係一隻single collection，
佢有concept，製作上音樂上歌詞有關連，唔能夠就咁每首歌講完就當係評完，
要處理埋佢背後既訊息先夠深入，唔一定要係好emotional好似反思人生咁既處理，
可以係例如評論下d歌表唔表達到個主題，對個主題表達得夠唔夠深入，
專輯處理手法有冇創意等等，忽略個大框架，只停留左係表面分析。

同埋我明白有時寫文被批少少都會唔開心，
但都要有番闊d既心胸去睇係咪有佢意義既批評，
唔係寫得短就代表無意義唔完整。

JasOh103

講真佢已經講得好客氣，意思都非常清晰，
就係你篇文章冇對隻碟既訊息既反思/評論。

因為Live in the m ...
HOTMAN 發表於 2017-9-29 02:59

wow護主呀?

反OT: 同意呢隻碟既賣點係有概念而且係有花心思點去帶出個message
覺得歌詞部份 live recording去錄歌
就係Gin想同大家分享要享受/好好活過每一刻呢個訊息
幾乎每次都要順住個美flow去聽

bagfgfcde

wow護主呀?

反OT: 同意呢隻碟既賣點係有概念而且係有花心思點去帶出個message
覺得歌詞部份 live record ...
JasOh103 發表於 2017-9-29 20:08

不過覺得隨風而來直接跳去空姐有少少怪...

hiraoka

講真佢已經講得好客氣，意思都非常清晰，
就係你篇文章冇對隻碟既訊息既反思/評論。

因為Live in the m ...
HOTMAN 發表於 2017-9-29 02:59

講真, 我都回應得好客氣, 語意亦都非常清晰, 就係每個人質疑或反對另一個人的立場時, 除左要有立論, 亦要有理據. 這不是單純地講兩句是否喜愛一首歌, 而是由頭到尾不認同整個立場及出發點. 若果大家想認真討論, 個人認為應該提出自身的理據加以解釋. 若果想叫人反思, 但同時無提出自己反思了甚麼, 被質疑的一方提出疑問是否合理呢? 若果沒有提出自身的理據, 那就只是單純的批評, 那麼究竟我比較意氣, 還是留言的一位比較有意氣, 我覺得大家立場很不同. 我個人回應時, 自覺已經盡量收起了意氣的說話, 假如我做得不夠好, 回應得不夠得體, 我會反省.
至於你的看法, 我明, 但我不認同, 我聽完整張碟, 對整個概念感受完全不深, 所以我分開寫. 我知道這個版很多人不同意, 因為很多人都愛Gin Lee, 我第一秒下筆就已經知道, 但我寫的就是我聽完的感受.
不過, 無論如何, 我很高興你分享不滿或者認為我寫得不好的理由, 因為這叫做討論. 寫得短不代表無意義及不完整, 無提出理由就是了.

P.S. 若果我們再在此討論應該如何回應大家, 或許太過off topic. 如果就住回應模式再有指教, 歡迎PM我, 謝謝.  
有關這張碟的討論, 繼續在這就好了, 但我想我對於這對碟的想法, 主文寫過, 上兩段亦再提過, 我應該再無補充.

Nathan

其實買完隻碟覺得空姐好搶
係應該派呢隻
John 發表於 2017-9-20 00:58

    我都覺空姐愈聽愈好聽

John

講真, 我都回應得好客氣, 語意亦都非常清晰, 就係每個人質疑或反對另一個人的立場時, 除左要有立論, 亦要 ...
hiraoka 發表於 2017-9-30 01:30

某程度上同意
成隻碟「live in the moment」最深刻只有點題作和每天講再見
其他歌暫時未聽到有幾扣個主題
只係整體聽落係舒服, 個flow係順
尤其而家成個樂壇冇乜碟出, 顯得佢係少數可以聽下既碟
唔通聽「Track 1第一主打、Track 2第一主打remix」果類碟咩

stephybest

某程度上同意
成隻碟「live in the moment」最深刻只有點題作和每天講再見
其他歌暫時未聽到有幾扣個主 ...
John 發表於 2017-9-30 09:00

有幾首歌詞都扣主題既我覺得…隨風，曌，live，今朝有酒，和每天講再見

艾石仔

有幾首歌詞都扣主題既我覺得…隨風，曌，live，今朝有酒，和每天講再見 ...
stephybest 發表於 2017-9-30 19:31

overall隻碟都唔錯
但個排序好怪~中間兩隻慢歌唔知想點
用慢歌黎突出live既重要性係要, 但唔應該係呢兩個位放

01.應該繼續... ...
02.隨風而來．隨風而去
03.空姐
04.好風如水
05.和每天 和每天
06.和每天講再見
07.今朝有酒
08.你你你你...到我面前
09.曌
10.緣．兩半
11.Live
12.L.I.V.E 特別收錄Gin錄音前清唱靚聲

John

overall隻碟都唔錯
但個排序好怪~中間兩隻慢歌唔知想點
用慢歌黎突出live既重要性係要, 但唔應該係呢兩個 ...
艾石仔 發表於 2017-9-30 21:07

我反而鍾意而家個排法

stephybest

overall隻碟都唔錯
但個排序好怪~中間兩隻慢歌唔知想點
用慢歌黎突出live既重要性係要, 但唔應該係呢兩個 ...
艾石仔 發表於 2017-9-30 21:07

學左美祖嗰啲interlude咁想點

powerful

我最初聽《和每天講再見》是無感的，直到現在卻真正感受到歌曲的威力，也在此分享一下所聽所感:

不能投入《和每天講再見》所講處境的人是幸福的，至少不至於為工作為理想而忘記了生活的感受。
然而，會被這首歌所深深觸動的聽眾，偏很可能沒有機會聽到，因為自身已經忙到時間過去都不知道，又如何去聆聽一首廣東流行曲?
即使偶然地聽到了，也可能匆忙地略過，而歌曲又如此慢熱，聽過一次半次沒能留下任何印象，就從生命中消失，莫論反思與感悟。

從六月尾單曲面世，到九月頭專輯推出，剛好是一個夏天的暑期 - 悠閒的時間。直至剛過去的一個月，我突然墮進了不停工作不斷緊張的狀態，找不回原來的處事節奏，這首歌亦於反復細聽後，終於累積了一定的情緒，那種無奈、哀愁，剎那間襲上心頭。

Gin Lee (李幸倪) 的演繹與音樂，細膩得需要時間沉澱，才聽得見其美; 與她新碟的主題一樣，要專注細味當下，才別有一番滋味。《和每天講再見》最後意境相當悲涼，繁忙得與最想說話的人也說不出一句，連天地也再聽不到這個人呼喊一句，生活還有意義嗎?

此曲只應香港有，獻給這樣一個喘不過氣的所謂繁華都市。

John

其實和每天講再見真係好好聽

616.1314

其實呢隻碟真係好高質

boy4dudes

其實呢隻碟真係好高質
616.1314 發表於 2017-11-22 08:36

呢隻碟 is a good match with Kay 媽媽隻《Slowness》theme-wise, both 高質