JayWu

《结》系陈柏宇近三年，旋律最好的一首歌。宜家一直loop紧，

pooh1460

咁大隻更加唔想買...
所以純白擺track 2係刻意唔跟時序？有咩特別意思？
sampras625 發表於 2021-6-25 00:54

個優先場，我被迫聽咗3次純白 一次播歌，一次唱live，一次播個mv
優先場播微電影，將四個mv合成埋一齊，
然後每首歌過場都有餅Cassette講返個陳柏宇係瘋人院FF嘅日子
排序:純白—> 哪個明日—>悔過書—>感情這回事

但入面有好多野派，有相，有膠片，要用個紅色濾鏡先睇到歌詞，有mv所需要嘅道具係哂個盒入面
好似Juno咁，入面有勁多物件，但冇文案嘅

sampras625

個優先場，我被迫聽咗3次純白 一次播歌，一次唱live，一次播個mv
優先場播微電影，將四個mv合成 ...
pooh1460 發表於 2021-6-25 01:07

即係配合道具睇mv會睇到其他嘢？

pooh1460

即係配合道具睇mv會睇到其他嘢？
sampras625 發表於 2021-6-25 01:11

    又唔會睇到其他野嘅，叫做了解下
哪個明日個file 會有call台紙，call 台條女返工張打卡，有外賣傳單

~蛋撻~

好抄唔抄，抄埋隻近年我最討厭嘅麥導長氣故。
一見到故事，咩上集下集已經想撼頭埋牆

stephybest

佢算唔算做左李克勤2.0得靚聲…

~蛋撻~

有無人知幾錢？佢幾兜踎我都會去買佢碟的……

uran

試聽左一次，track 7最好聽

pooh1460

有無人知幾錢？佢幾兜踎我都會去買佢碟的……
~蛋撻~ 發表於 2021-6-25 11:25

   CD warehouse online shop :359

阿mark

佢算唔算做左李克勤2.0得靚聲…
stephybest 發表於 2021-6-25 10:32

   李克勤高質好多

JayantL

Edward Chan真係好廢
應該好快可以同Sony攬炒

sampras625

$359仲要咁大隻
擺明趕絕所有街客

Crooks

已經好少上cm，但呢隻作為陳生歌唱生涯倒數嘅唔知第幾隻碟，想入嚟支持吓講多少少心聲。

陳生近兩年頭頭碰著黑，而呢個自殺式project完美助攻，直接將陳生事業推落谷底。

記得最初陳生話構思呢隻碟，唔係想迎合市場口味，只想做啲自己鍾意而香港少做嘅音樂。前者的確做到冇100都有90分，但後者就明顯同目標相距甚遠。究竟係佢團隊能力問題定有其他原因，真係不得而知。

講返啲歌，「感情這回事」比haters日唱夜唱到一文不值神憎鬼厭之後，到而家聽返仍然覺得好正好有feel。原本live演繹得好或者有機會令人改觀，可惜陳生自己唔爭氣，只可話係天意。

「哪個明日」全碟最高質，最underrated。

之後個project開始爛尾。選曲好似迷失咗方向，想pop又唔想pop之間唔上唔落，啲曲本身唔係差，但缺乏亮點同個性，「悔過書」更加比一份爛詞玩殘。

其實喺Spotify全隻碟咁聽，係有另一番感受，好似聽緊一個有連貫性嘅故事，每首歌嘅可聽度都有提升，可惜已經太遲，救唔到件事。

由第二plug開始，Sony亦閂水喉cut晒陳生啲budget，完全唔放budget宣傳、買ap。湊夠5首歌，出ep草草了事。 MV制作仍然keep到一定質素，但冇人留意，浪費晒。

感覺陳生已被Sony放棄，隻碟賣到咁貴，明顯係想呃埋走剩嗰一少撮死忠嘅錢就收工。年尾演唱會，就算搞得成，都有強烈收山feel，喺佢身上撈最後一筆。

只想同Sony Music講，你哋真係一間垃圾公司，廢、冇良心，祝你哋快啲執粒。

知道陳生開頭對呢個project好大期望，咁收尾相信佢都幾失望。唔知佢仲可以喺樂壇生存幾耐，一年定半年，只希望當佢離開回頭望嘅時候，呢段時間唔係完全冇得著。加油陳生，就算最後一首歌最後一個show，都要比心機唱比心機做，我會支持到最後一刻架

Crooks

仲有想同嗰啲成日攻擊陳生借個囡宣傳嘅人講，如果你哋唔係只睇八卦新聞，而係有留意吓陳生、睇吓live嘅話，就會知佢係點嘅人，知佢點全情投入去做一個爸爸，所有野親力親為，工餘全部時間畀晒個囡，接返學放學陪玩陪讀，我諗絕大部份男仕都做唔到呢個程度，佢亦唔怕比人知，鍾意同人分享。記得幾年前有個訪問，佢話有咗小朋友之後會減少工作量，個DJ都覺得好驚訝，而家已經唔多仲要減？佢話唔想錯過子女成長每一刻每一個階段，寧願賺小啲，而佢真係講得出做得到。人各有志，每人重視嘅嘢唔同，唔認同佢冇問題，但喺唔了解嘅情況下不斷攻擊恥笑只會貶低自己人格

losyes

其實如果陳伯自己enjoy, fans又支持嘅, 咁咪得囉
喺度怨天尤人咪仲肉酸

Crooks

其實如果陳伯自己enjoy, fans又支持嘅, 咁咪得囉
喺度怨天尤人咪仲肉酸 ...
losyes 發表於 2021-6-26 06:52

請問你係咪指我？怨天尤人個「人」係指Sony定haters？Sony係佢唱片公司，生死操控喺佢手上，意見都表達咗十幾年喇，陳生終於比佢整死，都唔怨得？我支持嘅係陳生唔係呢間公司。陳生啲mv嘅留言，大把鬧緊Sony同陳詠謙，全部都肉酸？

如果你講haters，刻意攻擊人嘅難聽說話你唔覺得肉酸，我講事實平反吓反而肉酸？咩標準？定唔啱你聽就係肉酸？

如果你唔係講緊我，sorry，我誤會咗，收返

星夢情真

入面D素材真係想做到同The Album一樣...

lokzai

其實對比陳柏宇
再出去睇下其他香港歌手
有唔少同佢一樣都未必有好多資源去做音樂
但人地交左咩貨出來
陳柏宇又交左咩貨出來
唔好講曲詞編監
唱腔唱法演繹問題又有冇真係出過力
我諗大家有目共睹

JayWu

回復 68# lokzai


   唱腔的确有改变，但系未到明显差别，如果有一路认真听距既话，应该会留意到。一个唱左十几年既歌手，记得距2015年个阵，系第一次转折点（唱法上），宜家又系相当于转变期。

bagfgfcde

支持陳柏宇下次做隻 post-rock album 出黎

~蛋撻~

請問你係咪指我？怨天尤人個「人」係指Sony定haters？Sony係佢唱片公司，生死操控喺佢手上，意見都表達咗 ...
Crooks 發表於 2021-6-26 07:29

大家都係fans，岩channel哦。
其實我諗佢不停用呢個班底，除左同sony有關係之外，佢自己鍾意都係好大因素黎嘅，以前佢未自己揸fit前，就可以賴sony唔幫佢啫，而家佢主動權多咁多，好多野都賴唔得曬sony，係佢自己硬頸嘅問題，想用呢個成功過嘅班底試新野。


抄麥大導講長故方法應該都係佢自己idea，雖然我係非常厭惡呢個idea，咁始終都係佢想做，我點都唔信呢個會係sony指使佢嘅。歌詞方面，唔計果d咁嘅故事線，意念係好嘅，但肥y同佢d徒弟填詞出現有心無力嘅情況都係常見，陳柏宇同陳詠謙係有野想寫好嘅，但寫得唔夠好，如果好似麥大導搵林夕周耀輝個效果就會好d，就算唔耐聽都起碼係質素高d，陳柏宇而家抄d唔抄d，就變左低手翻叮project，論結果黎講的確有d失敗。

至於受人討厭方面，玩左CM都唔短時間，深明對一個歌手嘅討厭好大部分來自d不停護航護短嘅fans，例如果d講句女權菠蘿雞都唔得果d。對於其他haters咩話佢串，話佢成日曬女乜乜乜果d，我從來聽完都係noted，我會表達自己唔討厭，但係唔會反駁佢地，越駁越令自己偶像黑人憎，唔鍾意咪唔鍾意囉，反駁完佢地又唔會鍾意返。

再到來自連登嘅批評，我夠膽講，而家嘅連登比十年八年前嘅高登實在低級太多，而前嘅評論會出現到高質甚至脫俗嘅level，而家嘅連登，就好似一班小學雞揸住雞毛當令箭。所以，我從來都唔在意連登嘅討論，一個連林家謙都可以話串嘅論壇，我完全係don't give a shit。

而家咪當返返2014年前囉，以前未紅果時都係咁做啫，果時開始爆紅，我就預左會有返唔紅嘅一日，因為佢性格始終唔係張敬軒許廷鏗果d世界仔咁識討好唔同人，所以會變返而家咁都係意料之內。

到而家，只要我見到佢係做緊自己想做嘅歌，係跟著自己嘅心意做人，每年有碟出有歌出，唔理我覺得造得好唔好，我都會支持，因為係陳柏宇自己心意做出黎嘅，我就會支持。有我地支持，就算唔夠紅，無街客支持，就算最後收山返加拿大，都不枉佢響樂壇做過自己enjoy嘅嘢，盡情玩過一次。

uran

咪就係囉，明明講緊陳伯，係都要扯開話題單打其他歌手，難怪CM咁多haters

言歸正傳，唔知Jason眼光/口味有問題定因為念舊所以班底回晒塘都照用，反正客觀事實就係而家d歌冇乜人欣賞。雖然2013/14果兩年比而家更霉，但至少唔叫座都叫好，尤其是Tales而家都仲覺得係事業上一大突破。即管睇下下個project搞邊科，但如果仲係一潭死水，好難再盲撐落去

721AXA

我相信洗左唔少錢，用左唔少時間心思
但真係悶 到 癲

yuuyuuy

希望唔會係最後一隻碟啦，好頹

ifeinano

中坑聽嘅Hfi碟

joey2009

由２０１９開始，佢ｄ歌已經開始ｈｅａ，佢依兩年係頒獎禮只係ｋｅｅｐ住，佢自己都好清楚依２年ｄ歌無２０１５—２０１８咁ｈｉｔ，　佢都無所謂，所以無辦法，佢都預左遲ｄ俾人追上

John

其實刮風沙、哪個明日、悔過書我都幾鍾意

ricnature

由２０１９開始，佢ｄ歌已經開始ｈｅａ，佢依兩年係頒獎禮只係ｋｅｅｐ住，佢自己都好清楚依２年ｄ歌無２０ ...
joey2009 發表於 2021-6-27 11:17

遲啲？佢而家已經俾十幾廿個人追過晒啦
佢而家喺樂壇有咩位置可言？
林奕匡啲歌仲好聽過佢

l00540

遲啲？佢而家已經俾十幾廿個人追過晒啦
佢而家喺樂壇有咩位置可言？
林奕匡啲歌仲好聽過佢 ...
ricnature 發表於 2021-6-27 15:38

Edward Chan唔啱Jason...

b01091018

「新碟有5首歌啦」

Crooks

大家都係fans，岩channel哦。
其實我諗佢不停用呢個班底，除左同sony有關係之外，佢自己鍾意都 ...
~蛋撻~ 發表於 2021-6-26 13:08

多謝你覆我 ，而家cm同連登同幾年前係兩個世界，所以我都極少留言。唔係話一定要鐘意佢嘅歌，理性批評其實冇問題，好唔好聽本身就好主觀，上年感情這回事每播一次就比人鬧一次我都習慣咗，只係見到某hater每次都惡意人身攻擊忍唔住啫

個project係失敗我同意，之前都講咗，不過唔同意Sony冇責任呢一點。YouTube唔少comments講得好啱，姑勿論啲歌係點，冇宣傳已經死得，電台都唔幫佢谷，播放率接近零，真心唔知做嚟做乜。放手比陳生搞唔代表由佢自生自滅掛，又唔見其他Sony歌手冇資源宣傳？再者，我講Sony係包括Edward Chan，A&R外判咗比佢，我唔覺得陳生有得揀唔用佢做監製（當然以佢咁念舊嘅性格就算可以揀都未必會轉），陳生唔識自己創作，就咩都只能靠人。構思係一回事，講到尾曲詞編質素先最重要，呢幾方面監制都責無旁貸，搵demo搵填詞都係靠佢。Edward Chan擺喺呢個project嘅心機有幾多，對比下佢幫其他歌手做嘅嘢，大家心中有數啦。陳生自己好滿意咩，我一啲都唔覺，有時睇佢live有人問佢幾時有新歌，佢都好無奈咁話進展好緩慢，就知佢公司個priority已經唔喺佢度。一隻得5首歌嘅ep，都好似喺困難重重之下先完成得到，仲要零宣傳，真係得啖笑。你話我怨天尤人都係咁話，反正都唔知仲可以怨幾耐。唔怪Sony，難道要多謝佢哋多年嚟嘅悉心栽培？

最後想講下佢唱腔演繹，作為fan都不得不承認冇以前咁好聽。但都想話比一啲平時冇留意佢嘅朋友知，佢唔係冇心唱或者hea，而係由上年開始一直努力改變唱法，一星期上幾次堂，就係因為知自己嘅不足，而家相信係處於一個未掌握得好嘅過渡期。我都明結果先係最重要，唯有希望佢如果仲有機會出碟嘅話，下次可以見到明顯嘅進步

Crooks

回復 71# ~蛋撻~
仲有唔記得講，睇完你最後一段好感動。跟紅頂白嘅世界，而家已經好難喺呢啲公眾forum見到撐陳伯嘅說話。佢經歷咗兩上兩落，老土啲講，我諗佢都見盡人情冷暖，對呢個圈都應該冇咩留戀，有時我都覺得佢不如退出算啦，雖然好唔捨得

Kｉ

遲啲？佢而家已經俾十幾廿個人追過晒啦
佢而家喺樂壇有咩位置可言？
林奕匡啲歌仲好聽過佢 ...
ricnature 發表於 2021-6-27 15:38

陳伯而家真係霉到貼地，仲衰過13年個期
當個大潮流行緊唔同風格嘅時候，陳伯仲出緊啲無記憶點嘅悶歌（連Pop Song都稱唔上）
同呢個班底試咗咁多次，越夾越衰，點解唔同其他人夾吓，死牛一邊頸無意思架喎
倒不如襯轉換唱法呢期抖吓，諗吓自己個大方向應該點行好過啦

快劍俠

music taste 同 art sense 係陳伯身上從來都冇出現過..佢只係execute
我想知佢平時係聽D 咩歌同埋覺得咩歌好聽...

Kyle_

作為一個由陳伯第一隻碟起就課金支持, 草齊佢今次隻碟之前所有碟既樂迷
我真心覺得今次個PROJECT 係徹底失敗, 而哩兩三年既歌真係越黎越唔掂
揀既歌想POP 但又要編到懶唔POP 咁, 唔湯唔水真係好唔掂
我明佢唔想亦唔鍾意唱K歌一成不變
但結果出到黎既感覺就係為左唔想將D歌編到似K歌, 而編到好悶
真係冇乜邊首可以吸引到我LOOP
我情願佢行返13年果條路, D歌唔係K歌但又唔悶, 多元化D
今次隻碟, SORRY 真係會係暫時唯一一隻唔想買既碟

JayWu

回復 84# 快劍俠


   其实距一路都听开欧美個边既music，照计来讲音乐taste都有返甘上下，但系出来既作品差强人意

Crooks

回復  快劍俠


   其实距一路都听开欧美個边既music，照计来讲音乐taste都有返甘上下，但系出来既作品差 ...
JayWu 發表於 2021-6-28 21:07

咁唔係想唱咩就一定有得比你唱，佢都係靠收demo，demo都好多人爭。陳伯今次5首有4首用咗台灣/馬來西亞作曲人嘅作品，更加唔啱香港人口味

睇佢以往kkbox播嘅英文歌，佢鐘意嘅都係啲easy listening、旋律簡單、冇乜起伏嘅音樂，即一般人會覺得悶嗰類

david.dull

遲啲會開展覽

~蛋撻~

多謝你覆我 ，而家cm同連登同幾年前係兩個世界，所以我都極少留言。唔係話一定要鐘意佢嘅歌，理 ...
Crooks 發表於 2021-6-28 02:12

雖然sony對陳柏宇宣傳係唔夠，但係陳柏宇身為sony最上游，我覺得資源已經係最多，又有出碟試聽會，又有丁方體驗房咁多林審野，只可以話宣傳部有資源都唔識用。睇下佢以下果d林奕匡黃妍Mischa，出隻歌出隻碟有幾多曝光，就知陳柏宇已經係多d水喉。

鬧sony宣傳，不如慳返啖氣十年如一日，咁多年都係咁，你估13 14年紅果陣又係宣傳做到野咩？係運到同埋歌手自己食中市場鍾意嘅野，sony咁多年都係靠隻歌食中，宣傳谷出黎嘅好少。

btw講下隻碟，買左了好q貴不過入面真係好多野玩，當係嫌疑事件簿黎玩都幾得意嘅以前成日嫌佢d碟包裝好簡陋，而家咁多野玩嘅時候，我又無以前份心機。

另外佢而家咁講音質，點解唔直接出hifi呢？雖然已經好q貴，但我覺得呢個價應該要聽到hifi

stephybest

其實都唔係冇宣傳既
我見有個丁方體驗館係咪好似gin lee咁整密室逃脫

harry

結真係好好聽

boy4dudes

結真係好好聽
harry 發表於 2021-6-30 17:53

好聽過Juno+Fiona首結?

samxdxd

真心講，我曾經都係好鍾意佢，但 I 果隻碟同埋認真如初之後，啲歌真係好悶好難聽，一係就係溫情，一係就係感謝人生，到今次有個Project，都有少少期望，點知5首歌又係悶到抽筋。

我到而家仲會Loop下隻I，全碟都好高質，陳生可唔可以返去2017年？

lorbat

其實 哪個明日GRAND BAND EDITION 幾好聽
d Strings 好出

星夢情真

個歌詞真係睇死人 ><
加咗濾鏡都要搵個清D嘅底墊住

hlyung

其實都唔係冇宣傳既
我見有個丁方體驗館係咪好似gin lee咁整密室逃脫 ...
stephybest 發表於 2021-6-29 19:48

https://www.kkbox.com/hk/tc/column/amp/showbiz/5848
吉房嚟 仲頹過黃妍嗰間

stephybest

吉房嚟 仲頹過黃妍嗰間
hlyung 發表於 2021-7-1 18:37

咁頹陳伯連一姐妍都不如=.=

HOTMAN

Sony近年代表作係莫文蔚@香港market，好多嘢值得study

Luna

但陳伯話啲album 買曬喎，咁銷程應該唔錯

l00540

但陳伯話啲album 買曬喎，咁銷程應該唔錯
Luna 發表於 2021-7-2 00:46

飢餓營銷