返回列表 發帖
仲可以做d咩先可以令11有冠
cymusic 發表於 2020-3-22 11:02

已經 亞亞亞

TOP

4)檢討會:
    這是為CM共和榜的長期發展而設立的,而且也是必須的.
    檢討內容包括各榜歌曲走勢(包括正在排隊入CM的榜),
    或一些當時必須討論的題目等.

其實共和榜章則係需要大家討論呢啲話題
始終個榜出嚟係共同體 大家攞出嚟檢討冇問題架喎

TOP

其實當初gcgoobi都有份制訂共和榜機制,
佢都係見到每個榜主有自由意志,所以一齊參與建議呢個計分機制 ...
John 發表於 2020-3-22 16:33

睇到你個例如,我睇到好唔舒服,知你記住飛砂上榜件事記咗兩年
假設你個例如係成立,4個人夾埋上榜唔通就可以肯定推到上榜?最盡48分都未必個個星期上到,用今個星期做例子就已經上唔到
又唔通兩個星期之前首 我說不可以 RE到都係因為嗰四個榜圍內friend夾埋一齊高位啦喎
而我想講嘅係你個例如喺我個case唔成立,我自己都有自由意志去整榜,有自由意志去3周冠首歌
咁係因為我自己鍾意首歌,同時我想推首歌上榜
我唔知其他幾個人做榜係點樣諗,至少我榜單喺出嗰期共和之前冇透露過俾其他人知
4榜4冠都可以係巧合,再上埋榜亦只係僥倖,唔通呢4個榜可以控制埋其他十幾個榜點樣比分造佢上第10位?
再者之後嗰個星期已經有7個榜上top 10,係咪呢7個榜原來又係夾埋
咁我係咪同樣可以質疑 一二三三二一 有一個星期6榜6冠,可能係因為圍內friend夾埋齊齊高位?
Wonder Woman 無端端3冠2亞推咗上榜入閘最歌投票,第二個星期又即刻out咗,又有機會因為圍內friend夾埋?
我就當然希望唔係,亦都相信每個榜主都有自由意志去做榜,唔係就只係百步笑五十步囉

我要講嘅係咁多,只係唔想你再對飛砂件事咁執著

TOP

其實你唔講我真係唔記得左有件咁既事...
就算你而家講 我都唔記得飛砂係咩歌...甚至係邊年我都唔記得,淨 ...
John 發表於 2020-3-23 00:04

唔係意有所指嘅話,可能係我自己太上心誤會咗你,我講聲唔好意思
而就住你個假設而得出嘅論點,就算係唔係逆流個case,我有冇誤解你,我嘅觀點係冇分別
近呢幾年處理多咗個榜嘅data,事實上我對呢啲數據同當時大家嘅反應會有印象
上面所提嘅例子,亦都係我自己當時嘅觀察

而我得出嚟嘅結論難道唔係認同緊你所講嘅自由意志嗎?
你有你自己推嘅歌同歌手,其他榜主亦都一樣
推唔推到首歌上去都係大家各有各做嘅結果

TOP

係咪因為呢個post?

我都記得我2018年投最歌係投123 321因為我真心喜歡呢首歌
我寫原因亦寫得好清楚
「 ...
John 發表於 2020-3-23 00:20

第一,我對你嗰個post冇意見
第二,你投票比邊首,係唔係真心,完全none of my business
我可以唔鍾意首歌,但我亦冇因為你投邊首歌而對你有成見
點票個結果出到嚟係點就係點,唔通我唔順眼就可以隨便DQ你嗰票?
唔該你都唔好對我有任何成見

TOP

「飛砂」上榜期間我就得果個留言 (共和榜區係啦,其他區我唔記得,你鍾意可以搵比我)
我就唔知點解你仲 ...
John 發表於 2020-3-23 00:49

我手上面就只係得數據
事實上係近幾年冇比楊千嬅呢兩個更加突出嘅例子
如果你以為我針對佢咁係你自己諗法
而上面我亦都有提過洪嘉豪四個榜上到
一二三三二一6榜6冠
Wonder Woman上榜嘅implication亦係引原post嘅回覆
呢啲全部都係陳述事實
我亦可以講多幾個例子:
荒原6榜4冠,Let us go then you and I 連續幾星期6/7榜3/4冠
全部都係回應緊你個friend就可以夾埋一齊高位嘅假設
咁我係咪又針對緊洪嘉豪 針對緊盧凱彤 針對緊Serrini?

至於你講過咩,我就唔嘥心機幫你慢慢搵
你有興趣就自己搵返當時你喺forum出面嘅對話
既然你都話唔會認真講嘢
咁我都已經當你當時可能唔係認真講,係誤解
所以已經唔存在覺得你耿耿於懷嘅態度
上面已經同你講左唔好意思,希望你唔好skip左呢句,仲喺度講成見

亦都因為你話唔再認真講嘢
我諗我都冇必要認真落去再覆你
我要講嘅亦都冇補充

TOP

明白你既意思
對我黎講,雖然我完全唔鍾意我說不可以,但都明白點解你會聽你講嗰幾首,
不過迷魂陣第一 ...
bagfgfcde 發表於 2020-3-24 13:57

我明點解你會嚇親
睇返CHH個post 原來首歌有9成1分 喺CM主流意見係偏負評
所以見到有人上榜 有黑人問號都唔出奇

不過既然喜歡一首歌無論睇質素定純喜好都係好personal
都無謂去judge人點解會上
純粹好奇去了解下其他榜主嘅選擇都可以係好嘅交流

正如我見你無端端上首蔡健雅cover人哋嘅live
我都會心諗做乜9 然後留句BARF!
而你亦都係比返唔太認真嘅回覆我同其他留言
我可以唔認真唔負責任咁留言時
你亦可以同樣態度覆我 甚至當我冇到
唔洗講到話逼人講原因囉
咁大家唔洗個個星期post自己個榜出嚟
唔洗比其他會員留comment 唔洗同人交流啦

TOP

返回列表