返回列表 發帖
本帖最後由 just11256 於 2020-1-18 13:49 編輯

歌曲:運動詩歌
歌手:衛蘭
發行年份:2019
提名原因:馮翰銘繼《Come With Me》另一成功嘅 dancepop 作品,歌曲結構同各種聲音運用得流暢自然,亦為福音歌類型注入活力,真正嘅「breath of fresh air」。

歌曲:精神餵飼
歌手:鄧小巧
發行年份:2019
提名原因:用堪比噪音嘅電音扭曲聲線表達沉淪,藍奕邦歌詞意淫得嚟自在,成首歌揮灑自如。

歌曲:厭世臉
歌手:王嘉儀
發行年份:2019
提名原因:王嘉儀轉去國語依然輕鬆勝於其他女歌手,《厭世臉》繼續見到佢聲線同埋歌曲製作方面用心嘅鋪墊,交出一首接近外國水準嘅 R&B 作品。

歌曲:一吻穿越四十六億歲
歌手:陳健安
發行年份:2019
提名原因:迴腸蕩氣嘅氣氛,好難承托,但陳健安旋律同主唱表現得綽綽有餘,好少廣東歌挑戰呢種大氣而成功,莫講話係新人第一炮。

歌曲:其實寂寞
歌手:謝安琪
發行年份:2019
提名原因:赤裸嘅聲線,表達最親切嘅寂寞。麥浚龍製作一向擅於運用人聲,《其實寂寞》嘅呼吸聲,話畀你聽女主角有幾空虛,和聲製作亦好乾淨俐落。認真唱林夕嘅「爛詞」,又別有一番風味。

歌曲:人話
歌手:方皓玟
發行年份:2019
提名原因:強勁嘅 bass drop,表達最動人嘅憤怒。方皓玟近年最好嘅一份詞,終於脫離勵志歌模式。但最最最令人驚艷嘅係佢嘅演繹,一副懶理嘅冷酷語調,反襯出爆粗嘅火候,出奇地夾。

歌曲:忘記和記
歌手:麥浚龍
發行年份:2019
提名原因:懷舊重來好難做,麥浚龍示範要做,就做到徹底,做夠六分鐘,仲要出動埋黎明,成功帶聽眾穿越時空。

歌曲:初音
歌手:林二汶
發行年份:2019
提名原因:唔好以為係一首純賣唱嘅作品,編曲輕輕嘅電子聲效,襯托住林二汶大師級嘅聲音演繹。嗰種女聲打動人心,同《觸不到的她》屬異曲同工之妙。

歌曲:願榮光歸香港
歌手:湯瑪仕 & 眾香港人
發行年份:2019
提名原因:好容易墮入情感大於一切嘅陷阱,但《願榮光》成功之處在於音樂上都係一首出色嘅作品。主歌透過「何以」對偶沉澱、壓抑情緒,去到副歌爆發,隆重、簡約有力而古典式嘅昇華,係頌傳背後嘅主因。

歌曲:和你飛
歌手:香港人
發行年份:2019
提名原因:同一邏輯,歌曲成功唔靜止於情感投射。麥浚龍式嘅優雅編曲,帶出事情嘅沉重,但最重要嘅係把男聲,屬典型廣東 K 歌嘅男聲,嗰種陳奕迅味將歌曲變成一首「everyman」唱嘅剖白。

歌曲:最後的信仰
歌手:林二汶
發行年份:2019
提名原因:廣東歌一向「詞大於曲」,我哋應好好珍惜、放大呢種獨有傳統,而《最後的信仰》係最好嘅例子。曲當然唔弱,但有沙石,歌曲全靠林夕份詞搭救。的確說教,但今時今刻我哋最需要嘅正正係最明顯無掩嘅鼓勵。

歌曲:山旯旮
歌手:馮允謙
發行年份:2019
提名原因:「珍惜香港」,由一把「鬼仔聲」唱出,效果十分奇妙。黃偉文嘅「珍惜香港」,唔係口號式政府宣傳,而係逼你面對香港、世界變幻沒落嘅現實,所以要更為珍惜。黑暗中帶曙光,曙光更亮麗動人。

歌曲:波點女皇
歌手:王菀之
發行年份:2019
提名原因:究竟王菀之有咩係唔識做?自己編曲而編出咁有層次、心思嘅結他 riff,真心不得不佩服。當然旋律歌詞演繹等等亦係保持一貫嘅水準,真係一年出一首而秒殺對手。

歌曲:守破離
歌手:林二汶
發行年份:2019
提名原因:又係我會叫做「麥浚龍式」嘅層次豐富、偏中國風編曲,周耀輝嘅睿智亦有麥浚龍 x 林夕嘅佛味,係麥浚龍唔做呢啲歌嘅年代,聽到一首咁嘅作品難能可貴。

歌曲:代你白頭
歌手:何韻詩
發行年份:2019
提名原因:概念上好容易開錯論調,但作品出嚟啱啱好,有將盧凱彤音樂理念傳承嘅感覺。Kiri T 編曲應記一功,黃偉文份詞都冇出事,何韻詩旋律簡單而華麗。

歌曲:告別的藝術
歌手:陳健安
發行年份:2019
提名原因:一首歌有「藝術」喺標題入面,成功嘅標準即刻高好多,但《告別的藝術》輕鬆達到。都係繼續迴腸蕩氣式嘅旋律同格局,成功在於歌者嗰份真誠情感,帶出歌詞背後嘅意思。

歌曲:與慾望對話
歌手:陳健安
發行年份:2019
提名原因:妖艷又未至於豁達放任,但中間獨白一段竟然有哥哥嘅氣魄,陳健安真係令人好驚喜,對自己聲音控制真係超有信心而有效。

歌曲:圓謊
歌手:盧凱彤
發行年份:2019
提名原因:離世之後呼應時勢,可以話係一種巧合,但盧凱彤嘅警世,唔止在於歌詞意思,更係佢嘅音樂風格、性格、力量,都係我哋今日非常需要。

歌曲:Come What May
歌手:盧凱彤
發行年份:2019
提名原因:一樣道理,邊有人情歌會寫到咁黑暗?但我哋懷念就係盧凱彤呢股偏鋒力量,成首歌即係顯得發自內心,「霸氣情歌」式嘅剖白突然顯得好嘔心。

歌曲:不怕
歌手:盧凱彤
發行年份:2019
提名原因:正正因為盧凱彤嘅暗黑風格,呢首歌變得份外感人,沉淪之後重生,配上《還不夠遠》嗰個 riff(神到可以重用),畀人感覺盧凱彤喺離世之後依然搵到解脫。香港有咩歌手可以做到一首咁回顧、審視自身而唔作狀,自戀?

TOP

本帖最後由 just11256 於 2020-1-18 13:50 編輯

專輯:Come What May
歌手:盧凱彤
發行年份:2019
提名原因:不論離世與否,盧凱彤嘅音樂才華、光芒,喺廣東話入面,重來未如此多樣地盛放過。

專輯:the album and the rest of it
歌手:麥浚龍
發行年份:2019
提名原因:唔好理佢故事連唔連貫,一隻粵語專輯可以咁多曲風之下搵到串連嘅音樂元素,認真唔簡單。電影感嘅專輯正係咁——電影唔係故事嘅媒介,而係圖像、氣氛、情感嘅媒介。

TOP

返回列表