just11256

專輯：The Key
歌手：陳奕迅
發行年份：2013
提名原因：八首歌曲、八種精彩，由《主旋律》嘅激昂澎湃、《告別娑婆》嘅哲學輪迴到《任我行》嘅彷徨無助同《床頭床尾》嘅溫馨甜蜜，概括人生之旅嘅所有情感。

歌曲：主旋律
歌手：陳奕迅
發行年份：2013
提名原因：由3/4轉去4/4，令人驚艷。小克歌詞強烈控訴中港矛盾，差唔多無重複尤其精彩。

專輯：小日子
歌手：容祖兒
發行年份：2013
提名原因：容祖兒最成功嘅概念大碟沒有之一，「屋企」概念完整得嚟唔突兀。容祖兒嘅歌聲喺拍拖之後更上一層樓，成功將個人生活融入音樂，終於說服聽眾容祖兒唔係唱歌機器，係有血有肉嘅人。

歌曲：小日子
歌手：容祖兒
發行年份：2013
提名原因：歌詞、連綿不斷嘅旋律、拒絕大氣嘅編曲通通脫離 K 歌慘情模式，係難得一首朝早起身可以慢慢品嘗嘅歌。

專輯：柔弱的角
歌手：麥浚龍
發行年份：2014
提名原因：Juno 巔峰期嘅登峰造極，一方面有林夕嘅菱角，另一方面有周耀輝嘅柔弱，由唔同曲風承托兩極。

歌曲：逆蒼生
歌手：麥浚龍、林二汶
發行年份：2014
提名原因：暗黑、型格、剛烈，喺林夕作品入面比《六月飛霜》更《六月飛霜》，編曲同合唱編排將反強權嘅仇恨發揮得淋漓盡致。

專輯：樂章
歌手：馮翰銘
發行年份：2013
提名原因：主流唱片公司可以資助一張咁嘅唱片簡直係奇蹟。馮翰銘將古詩古詞同自己嘅編曲二合為一，成就新舊之間激烈嘅摩擦。脫離主流嘅曲風，將古人作品之內嘅濃烈氛圍帶出。

專輯：優與美
歌手：藍奕邦
發行年份：2013
提名原因：整張作品圍繞優與美，慶祝生命嘅優美。港樂難得可以咁酷兒：藍奕邦作為同志創作人，所有歌曲都帶有無可撇脫嘅酷兒感、所有歌曲都顯得份外性感。

just11256

歌曲：《天堂有路》
歌手：王菀之
發行年份：2014
提名原因：氣勢磅礴，自創語言，王菀之運用自己嘅天籟之音，帶聽眾穿梭世界、遊走一趟洗滌靈魂之旅。

歌曲：《我們他們》
歌手：王菀之
發行年份：2015
提名原因：「討厭政治」風波後嘅王菀之，以音樂回應反對聲音。林夕歌詞將身不由己嘅複雜思緒寫成充滿詩意、對偶嘅字句。王菀之團隊妙用 Rachmaninoff Piano Concerto No. 3，非單止不褻瀆，更將歌詞當中嘅彷徨暗湧以連綿不斷嘅鋼琴襯托出。

歌曲：《如一》
歌手：王菀之
發行年份：2015
提名原因：紀念婚姻，最容易聯想起甜蜜嘅《你的名字我的姓氏》，偏偏王菀之一反常態，推出一首偏電子、迷幻、灰暗嘅作品。破格大膽之餘，更加扭轉聽眾對婚姻嘅傳統概念。婚姻對王菀之、周耀輝嚟講，唔係大時大節，而婚後嘅王菀之生活只係平常如一。但同時表達對生命嘅熱愛，更加回應點解係今時今日仲選擇結婚，亦推翻大眾對明星感情生活嘅著迷。可以係一首咁精簡、多重複嘅歌入面發揮咁多主題，可見背後創作者嘅音樂造詣。