PenguinMusic

歌曲提名
歌曲：世界變了樣
歌手：Supper Moment
發行年份：2013年
提名原因：一首十分特別嘅歌。全首歌有七八成都係重複緊「世界變了樣」一句歌詞，但係居然可以一直疊加感情。首歌嘅編曲同演繹可以話係「魔幻級」，聽完仲會不停諗起呢個秒速變樣嘅世界，意猶未盡。
// 世界變了樣 你我變了樣 //

歌曲：時日如飛
歌手：C AllStar
發行年份：2014年
提名原因：十分動人嘅一首歌。由細個、長大到懷念，曾經相信嘅「永遠」變成過去，到大家都遺忘咗嘅時候偏偏得返自己一個依然留戀、耿耿於懷，極有共鳴嘅滄桑就喺呢四分卅九秒入面表露無遺。
// 難以將愛保存 人間的經緯總要轉 曾真心相信是永遠 一切是永遠 從沒愛是愛不完 //

歌曲：少年遊記
歌手：洪卓立
發行年份：2015年
提名原因：另一首十分有共鳴嘅歌。人生只會有一次「少年遊」，面而呢首歌就唱出咗對童年嘅懷緬、記掛，期盼可以時光倒流到細個嘅時候，擺脫大個嘅責任同擔憂。同《時日如飛》嘅滄桑唔同，《少年遊記》係用一種比較夢幻嘅方式演繹，加上歌末嘅童聲，聽完真係會感到短暫嘅快樂。
// 法則不會永久 青春卻永久 //

專輯提名
專輯：小日子
歌手：容祖兒
發行年份：2013年
提名原因：呢張唱片收錄咗一首又一首十分令人感到舒服嘅歌，尤其《小日子》同《天窗》兩首歌教我最印象深刻。柔和嘅編曲加上容祖兒嘅歌聲，聽完真係身心舒暢。
// 茶包 浮起 沉澱 //

專輯：
歌手：Morph
發行年份：2014年
提名原因：張敬軒轉公司後嘅第一張專輯。揀呢張專輯就係因爲個人特別鍾意《青春常駐》同《靈魂相認》兩首歌。呢兩首歌都係十分感人嘅歌，都係圍繞時光與感情。
// 為何在遊蕩裏 在遊玩裏 突然便老去 //

專輯：生於斯
歌手：C AllStar
發行年份：2015年
提名原因：今時今日有歌手演繹同社會有關嘅歌曲已經唔多，就呢個主題出隻碟就更加少。《生於斯》收錄咗各首時代曲，由香港嘅景象、依戀，再到社會、政治嘅問題，呢張唱片應有盡有，個人都特別喜歡入面好幾首歌。
// 生於新生裏 我的天 夢也被發展 如一覺便十年 //