skyhorse1111

話咁快聽日就開始嚕......睇下邊隊新人經得起考驗...始終有兩年時間備戰東奧就最理想<3

skyhorse1111

https://www.youtube.com/watch?v=4p7_Qc1qapU&t=628s
27:27
WOWWW 袁心玥都有意出國打波...
不過以八一既作風...aiiiiiiii

skyhorse1111

btw miha喺國家隊真係開心, 一傳範圍可以縮到咁細, 好似越企越邊咁,
澳門站加埋rasic, 就真係發扣攔樣樣有,
希望中國隊就算輸都唔好輸咁多...
加左段放同王夢潔既替補陣容, 一傳同防守應該有所加強吧!

skyhorse1111

下個賽季歐冠一定好睇
費內 同 Scandicci 要拎歐冠資格唔難 , 起碼有 6 隊強隊 !
而家國家隊都主力 , 我諗 ...
chanchan0909 發表於 2018-5-20 13:08

要睇jenny點部署...首發以老帶新冇問題, 但始終覺得換人保守左少少...幾位一二年級生都無咩持續上場機會...
澳門站泰國有速度, 波蘭jenny好睇好, serbia發攔扣咩都有,
真係覺得隊長一傳會頂唔住, 李盈瑩接埋一傳進攻就會受阻, 而新副攻既攔網更加不敢想像,
希望jenny都唔好受上頭或球迷壓力影響, 可以堅持訓練新人啦!

skyhorse1111

覺得小袁上得太耐對吧
可能想多 D 機會去比盈瑩同班相同班經驗嘅陣容多 D 磨合掛
軍錦賽喺 26 號 ...
chanchan0909 發表於 2018-5-21 14:25

咁場上無可靠重心, 上小袁係好既, 起碼佢手上功夫好左好多, 唔到位都可以強行組織快攻過輪...何況佢好明顯未去到顏妮個種一上就入哂局既級數啦!
不過確實, 高意表現真係無亮點, 楊涵玉既攔網移動速度太慢, 胡銘媛就直頭冇攔網, 如果世錦賽4副攻, 小清新都仲有機會"復活"LOL...大劉其實就係聯賽版大梅, 第四主攻要有保障能力既話, 佢一d機會都冇rip, 反而段放張軼嬋相對全面可能仲大少少潛質做東奧版小彤...
姚迪仲未去番聯賽水平, 佢其實係有思路既, 如果領先局半兩局先上我估佢會心定d, 表現同自信都好d,
孟子璇感覺未適應賽場, 但防守應該真係差

skyhorse1111

去左現場睇
其實前半段李YY表現得唔錯，可以話一個撐起進攻點，但之後俾人攔起一兩個球就開始出現各種失誤，拍得住里奧EGONU，仲要下三路嘅粗糙技術顯露得太明顯，尾段就直頭有疲態，最後俾人攔到都唔出奇，留佢喺場上都應該係俾佢累積大賽經驗。

劉曉彤要cover李YY承擔大量一傳，進攻受阻，兼且都睇得出佢本身都唔係咁有斤量主接大賽一傳，所以佢搭李YY嘅主攻組合其實好有難度

段放其實都唔係咁神，後段一傳幾乎零到位，但就學雙陳話齋佢有決心喺其他環節彌補，一則防守好好，二則控制自失，三則打法有變化，拐直線同破壞性攔網嘅攞分都好清爽利落。唯一改進係稍為保守，用得太多冇威脅性嘅吊球，可能同場上嘅高大對手同更快嘅攔網節奏有關吧! 如果係丁霞傳球，加快左節奏仲加埋省隊配合慣嘅後攻，我相信佢進攻端仲有加強空間。

skyhorse1111

另外講起一傳真係恐怖，同上年一樣，卡輪情況好易發生，自己發球又冇威脅性，宜家嘅一傳確實仲好似衰過d歐洲球隊……sighhhh…vnl真係要努力捉呢個大漏洞喇

skyhorse1111

強攻好輸蝕，但起碼自失控制得唔錯，一傳都叫做盡哂力，只要三個主力邊攻回歸一個都有機會贏番啦!既然冇決賽壓力繼續train新人就啱……

skyhorse1111

大家都替補, 一樣咁後生, 就睇到差距,
Li YY在場, 強攻可能好少少, 但對角一傳壓力大好多,
段放張軼嬋有手法, 但擊球點稍低, 一強攻就現哂形, 但睇得出一傳既自保能力.
以宜家既人源, 真係冇人可以cover Li YY接一傳,
有朱婷既話, 真係唔太睇到Li YY做第四主攻既作用, 可能前兩者/汪慧敏, 甚至用王夢潔每局替一次後排仲有成效...
大劉就...bye

skyhorse1111

唔知會唔會係一個新觀點 聯賽水平同國外脫軌既情況下 冇一隊省隊跟得上國際主流打法
今日大部分時間中國隊 ...
Wonders 發表於 2018-6-29 23:54

其實如果聯賽少d大魚腩球隊, 唔洗浪費時間研究同備戰d嬴硬既比賽,再而多番d外援, 好似16-17四川同河南隊, 15-16福建, 水平未必同國外即刻接到軌, 但起碼唔會負增長lol

skyhorse1111

里奧時間jenny就被大讚栽培新人方面勁, 但去到宜家第二年好似都未成功到, 得王yy稍為好dd, 其他人都有勁大漏洞, 反而土耳其轉左教練之後進步明顯, 真係要睇未來三個月jenny點搞。

一傳方面都喺成個VNL睇到依家國家隊需要有4人輪流接一傳, 先可以冇咁大壓力接得好少少。可見朱婷對角既一傳重要性, 幾位保障型主攻隨時有機會上到世錦賽尾班車HAHAA...

skyhorse1111

最大驚喜莫過於啱啱參加左 U19 亞錦賽嘅主力車文涵比國家隊注意
另希望任凱懿能入選陣容 ...
chanchan0909 發表於 2018-7-31 14:11

私心想任凯懿 楊舟 郑益昕 宫美子入選陣容, 尤其楊舟雖然腳傷唔輕都唔好咁快諗退役啦!

skyhorse1111

http://hk.on.cc/hk/bkn/cnt/sport ... 0817_00882_001.html

原本張常寧準備好同隊友出發去印尼，點知佢喺月初集訓嘅練習賽，擔心同救波嘅朱婷相撞，緊急退後導致左膝受傷。起初張常寧以為自己冇咩事，可惜軍醫證實佢左膝十字韌带撕裂，需要喺出發前退隊返南京接受治療。

十字韌带撕裂...擔心

skyhorse1111

中國男排世錦賽 22 人大名單
主攻 - 10. 季道帥 (C) , 4. 張晨 , 5. 張秉龍 , 7. 張景胤 , 11. 杜海翔 , 17 ...
chanchan0909 發表於 2018-8-21 08:30

王YY究竟有幾傷？明明今年嘅進步夠佢坐實第3/4副攻…好可惜

skyhorse1111

Chatchu-on傷左...大花蕾都受傷病困擾@@
希望唔太嚴重啦

skyhorse1111

花蕾又傷啲乜呀中女就黎變做傷兵營
stephybest 發表於 2018-8-30 15:50

咁jenny語氣應該唔係大傷既, 但都會隨時影響發揮啦, 始終都不再年輕, 好講求老球員自身既堅持<3

skyhorse1111

very interesting...對中國永遠係sato lol

skyhorse1111

其實日本係咪有所保留呢? 二傳俾人捉路、一傳間歇性不穩都冇轉陣容, 上年冇固定首發但好似隊中仲有幾個冇正式同中國對陣過

skyhorse1111

亞運會都保留陣容 ?
對於亞洲國家同地區黎講亞運會係一次中考
其他項目除左乒乓球之外都毫無保留地派上最好 ...
chanchan0909 發表於 2018-8-31 23:17

因為今日日本間中就卡輪, 替補未算出色但都未至於冇能力上場吧? 中國一傳唔穩定但日本連平時用開既發球替補都冇.
富永  島村/NANA  鍋谷  上場轉換下節奏都值得考慮吧...
連新鍋我都覺得遲左dd先上場, 所以有種錯覺係中田要train黑后同長崗,
相反就睇到jenny換李yy或兩點換三點都完全出於場上需要LOL

skyhorse1111

亞運會都保留陣容 ?
對於亞洲國家同地區黎講亞運會係一次中考
其他項目除左乒乓球之外都毫無保留地派上最好 ...
chanchan0909 發表於 2018-8-31 23:17

n btw雖然wnl帳面上成績差, 但我ks覺得已比上年有提升, 尤其打歐洲分分鐘係55波都冇誇張lol

skyhorse1111

日本打中國一向好重視 , 就算自己水平差都唔會動員全力打中國
我諗 25:10 呢個比分日本球迷會有諗法
教練團 ...
chanchan0909 發表於 2018-9-1 08:23

不過都真係要讚中國隊憑自身努力捱過左追分潮，歐洲球隊會輸日本好多時就係捱唔住日本猛衝發球同防反攻lol

skyhorse1111

孟子璇做後排防守球員lol...都幾啱呢個陣容 HAHA

skyhorse1111

Egonu 主接一傳@@
仲要頂得住咁勁既

skyhorse1111

之前世聯賽打巴西佢替補上場接左唔少一傳
最後仲贏埋
不過今次真係第一次主打主攻 ...
chanchan0909 發表於 2018-9-7 09:23

不過去到大賽都要佢地有另外一個強力接應先奏效

skyhorse1111

尋日都算係合格，攔網差進攻弱就一早預左，但起碼一傳冇大失誤，三四局各人都慢慢進入狀態，防起左好多靚球，兩個主攻進攻都有起色。

雖然孟子璇尋日後排入替係失敗，但都確實係中國隊可以考慮嘅策略，朱婷對角去到後排，我覺得接穩一傳加強防守會重要過打後攻lol…始終一傳都仲係計時炸彈

skyhorse1111

Ortolani 今年嘅進攻都打得唔錯 , 要 Egonu 養佢都係可以嘅
我覺得意大利對於佢地自家嘅進攻都幾有信心 ,  ...
chanchan0909 發表於 2018-9-7 23:05

ysys...真係不能輕視歐洲球隊, 意大利同serbia有埋個好既保障型主攻就好無敵,另外土耳其荷蘭巴西美國都好平均冇好大漏洞,
反而中國既缺點都幾明顯, 未有好深既板凳,
仲要有計時炸彈, 次次卡輪就好難捱過,要帶邊個替補做奇兵都好大學問。
BTW睇完刁琳宇表現就覺得佢同姚迪打逆境波都唔係好靠得住lol

skyhorse1111

未睇，但齋睇數據，
波蘭隊長成功攔網10次@@，
一點攻攔唔到唔緊要，
限制到兩個主攻已經慳唔少功夫；
小宇承擔大量進攻都唔錯喎，
段放終於過50%命中率XD
年輕副攻攔快攻果然麻麻地，
成隊局尾都冇怯場值得慶賀，
二隊成功“復仇“應該好激勵士氣吧！

skyhorse1111

印象中刁係比較敢係一傳唔到位情況下傳比副攻
姚迪有陣時會死傳四號位
但佢瑞士賽打得比較保守 對波蘭直接 ...
patrick1029 發表於 2018-9-10 20:09

王媛媛話要兩個月先可以正式重返賽場...好彩天津宜家成個團隊都幾好幾有heart, 覺得佢同其他隊友下年應該可以更上一層樓
刁琳宇確實有d飄忽, 另外處理上網球麻麻地, 呢兩方面係差過姚迪...

skyhorse1111

wowww奇妙會有女排世錦直播

skyhorse1111

https://m.sina.com.hk/news/artic ... %A4%8A-9261632.html
花邊新聞...congrats!!!

skyhorse1111

omg 原來泰國又傷多一個主力

skyhorse1111

我覺得你唔係好熟悉中國女排
如果係熟悉的話 , 我相信你會知道答案  ...
chanchan0909 發表於 2018-10-10 22:44

不過老實講，我會覺得半主力出戰會好d，始終替補七人到依家都未見到任何狀態，郎家軍一如既往都好需要板凳力量幫助，單靠主力陣容要攞冠軍真係超有難度!!!
最好就係半主力都蠃到波就更激勵士氣!!!

skyhorse1111

extreme case可以係意大利 中國 塞爾維亞 一組?

skyhorse1111

冇計錯嘅話應該巴西要3-0, 3-1贏日本，六強中國先可以避開serbia？

skyhorse1111

下一輪冇得對日本

skyhorse1111

li yy發球真係幾勁...但相對防守又真係幾差...強攻都好牽強...對佢又愛又恨

congrats 中國!!!

skyhorse1111

咁計法，泰女要入奧運不是夢喎<3
另外要寄望歐洲隊伍要擊敗美國同巴西先可以爭取多d名額，

加油呀！

skyhorse1111

其實咁嘅賽果都幾合理，意大利真係好厲害，兩年間就可以栽培到好高質又年輕嘅首發陣容，egonu再過多兩年肯定更無敵，副攻定點攔網唔錯，二傳傳球穩定，主攻有手法，成隊防守又very ok，中國冇多點開花就真係要有日本神級防守先大機會贏到。

serbia都係好掂，不過好似未見佢地栽培新人嘅成果，東奧後應該就……

中國就好睇到郎平嘅功力，短短幾個月就train到首發有競爭水平，如果寶寶同花蕾有番高峯狀態，其實係好夠贏; 接下來就睇郎平點挖掘培訓新人，見到顏妮咁堅持都替佢覺得辛苦lor
p.s. 帶番個頭罩，其實我都覺得中國隊好有衝擊力，不過贏波機率我就覺得係四六，機會唔細但唔要出盡百二分力先得

skyhorse1111

係呀 可能係小時候睇 有份情意結係度
即使自己呢幾年 對內地印象麻麻
但都無影響對女排~

睇得出聯賽係想 ...
小糖 發表於 2018-10-19 23:34

其實最差係聯賽9-14名真係完全無競爭力, 同佢地比賽又要備戰又要遷就對手好慢既進攻節奏, 完全稱唔上高強度競賽, 想唔退步都難,
其實只要每個地方隊肯搵1-2個內外援填補番漏洞, 成個賽事就可以昇華,
點解四川福建雲南要縮沙呀
希望份名單仲有轉機啦!

skyhorse1111

現在中女副攻線只得顏妮頂住，袁心玥完全靠唔住，她兩場對意粉攔網都是零分真係災難級數，大陸很多球迷都 ...
universal 發表於 2018-10-20 13:05

咁簡單嘅問題，好明顯就係胡同楊都未上得大場面，前者攔網高度係堅弱，後者進攻同攔網判斷都未到家，叫佢地上場，我都幾肯定連bosetti得分率都一定過50%

skyhorse1111

我覺得中國隊嘅球員高度係好ok，寶寶李YY甚至小宇小劉嘅一攻甚至強攻應該可以有一定實力，問題都係歸究聯賽攔網水平低，好容易做到超手或觸手，所以黎到大賽，攔網速度高度同質素都提高左之後，幾位邊攻就打唔番自己平時熟悉嘅套路，好似李YY嘅多次調整強攻，喺聯賽應該可以打卧果，但世界賽就注定被攔。

尋日場波，我諗可能小劉有傷病先冇上場(？)，否則以佢呢幾年喺大賽嘅經驗，有機會搵到避攔網手嘅方法，而佢有變化嘅跳發都可能可以破到sylla一傳。

攔網方面，確實4位副攻得首發上得大場面，小袁係冇攔網得分，但有時都叫掂到下波俾後排跟進，高點快攻同發球都幫到球隊。胡銘媛係有快攻，但佢攔網係好差，荷蘭嘅belien已經係一個人板，可以睇到有進攻冇攔網嘅問題。楊涵玉就直頭係後備中嘅後備，慎防重覆上屆麗姐受傷副攻線嘅驚險情況，先會帶佢黎。如果王YY冇傷，可以反而會換佢上場，因為睇到佢今年嘅定點攔網，喺未集訓前都已經進步不少，扣球冇力但速度係提升左，如果有參加集訓整體水平應該高過小胡，
可惜。

二傳又係另一個弱項，我諗今年係郎平上任以來，最唔敢二換三嘅一屆，因為替補同首發實力，都係差好遠，點解傳四號位都可以傳得咁差，反而快攻又可以夾到咁奇怪=.='

曾曾就真係繼續同傷患搏鬥吧，能夠去番大冠軍盃或聯賽水平，其實就已經足夠KO一眾新力軍。

skyhorse1111

不過我覺得中國隊今日贏到嘅，始終荷蘭攔網同快攻都唔強，容易做到多點開花，下年de kruijf同daalderop番黎就唔同講法喇…

skyhorse1111

如果副攻無乜攔網好的新人，攔網好而且進攻唔差的楊舟有機會重新跑出，顏妮就是一個好例子了！！！ ...
universal 發表於 2018-10-20 16:10

我都幾鍾意楊舟，浙江train到佢發扣攔防樣樣掂，可惜腳傷嘅舊患好似唔輕sighhh

skyhorse1111

麻煩俾個最佳副攻俾顏妮!!!

skyhorse1111

https://sports.sina.cn/others/vo ... 181.d.html?from=wap

無意中睇到呢篇報道，越來越期待陳馨彤發揮呢

skyhorse1111

http://app.kaixian.tv/gd/2018/1025/926306.html

睇到陳友泉確實係幾好而且唔守舊嘅教練，每個位置都有一定能力嘅替補…

但請問這個人嘅來頭係？哈哈

skyhorse1111

起碼都係以實用為主 , 不過成日都係差唔多要打比賽前先至簽人 , 呢個時候先至搵一個要適合自己球隊嘅人其實 ...
chanchan0909 發表於 2018-10-26 21:38

全面/保障型主攻其實係適合現水平既天津隊同排超既

skyhorse1111

今屆排超外援應該都 confirm
之前轉會期不停聽到轉會嘅都唔係去中國 , 曾經擔心過最後只得上海北 ...
chanchan0909 發表於 2018-10-26 22:05

確實對有外援但入唔到8強既隊伍而言, 係好奇怪又慘既制度, 贊助商好難再揼水俾邊緣球隊,
特別希望河南女排入到八強, 先有機會其他地方隊來年效法

skyhorse1111

肥坦受傷
chanchan0909 發表於 2018-11-13 20:02

omg…見到腳踝90度落地…仲要佢本身都有番相當重量，
咁嘅傷應該都好嚴重……

btw 跟住就好多網民舊事重提……
確實段放呢種助跑式扣場一近網就好容易踩過界，
好似已經發生過3/4次，好難再話係非常罕見意外，
佢或者教練組真係要諗諗點幫佢改善呢個問題，
就算唔係對手，平時訓練都有可能令隊友受傷。

skyhorse1111

恒大總算入到八強對得住tandara，
但變相又係賽制害死左八一sosad